C’hoant hoc’h eus da zeskiñ brezhoneg evit heuliañ al labour skol diyezheg ho pugale ?
Mignoned a gomz brezhoneg ‘ho peus ha c’hoant da gomz ganto ?
Dizoloiñ ar yezh keltieg komzet nemetañ en Europa ar c’hevandir ? Komz brezhoneg gant ho familh ?
Evit kompren an abadennoù Radio Bro Gwened pe deskiñ yezh ar vro ?
Kit e darempred ganeomp evit en em enskrivañ er c’hentelioù brezhoneg get Laurence.
📅 Kregiñ a raio ar c’hentelioù d’an 13 a viz gwengolo evit ar genderc’hel ha d’an 14 a viz gwengolo evit an deraouidi.
💶 Priz : 150€/vloaz + 10€ ezel kevredigezh
Er c’hreizenn Alan meur, 6 plasenn Générale de Gaulle e Kistreberzh, emañ kentelioù, er sal o tiskenn war an tu kleiz.
| Deiz | Lec’h | Eur | Live |
|---|---|---|---|
| Merc’her | Kistreberzh, sal Alan Meur | 6e30 noz-8e noz | Deraouidi |
| Meurzh | Kistreberzh, sal Alan Meur | 6e30 noz-8e noz | Kenderc’hel 1 |
| Meurzh | Kistreberzh, Sal Alan Meur | 8e noz-10e noz | Kenderc’hel 2 |
Kentelioù etre tud (pe bugale vras) get deskadur dre gomz ha dre skrid hag eskemm etre skolidi. Kalz a labour dre gomz evit eskem buhan etre deskered.
Evit deskiñ buhanoc’h brezhoneg, goulenn a reomp d’an dud da gomz get brezhonegerion ar muiañ posubl (deraouidi pe get) goude se e aesoc’h an deskadur.
Chom a ra kelaouennoù e brezhoneg : #brezhoneg, Bremañ da skouer.
Gallout a rit kavout ar furmskrid dindan evit ar rak-enskrivadur distro-skol 2022, n’eo ket un enskrivadur rik, met gallout a rimp adgalv ac’hanoc’h pa vo kroget ar c’hentelioù.
Ouzhpenn a 5 0000 a dud emañ o teskiñ brezhoneg e Breizh hiziv. Heuliañ a ra an darn vrasañ kentelioù sizhunvek, 3200 a dud. Muioc’h a 500 a dud o deus graet ur staj d’ur sizhun ha 900 ur staj un devezh pe dibenn sizhun. 380 o deus hueliet ur staj kreñv get an arc’hant pedagogel kemeret get ar rannvro Breizh (tud o koulenn implij dre vras pe cheñch labour).
| Galleg | Brezhoneg |
| Salut (à toi) (à vous) | Salud (dit) (deoc’h) |
| Bonjour | Demat |
| Galleg | Brezhoneg |
| Comment ça va ? | Mont a ra mat ? |
| Questembert | Kistreberzh |
