Le Galo ao jou d’anet 👅

N’i araet bétôt 191. 000 caoze-galo en Bertègn ! Le chiffr-la s’orine de la dâraine encerche sociolinghistiqeemandée par la Rejion Bertègn en 2018.

Pour ben dire, n-i araet 5 du cent des Bertonsa sonjer “q’i caozent ben galo” ou ben core “assë ben”. Les chiffrs-la, raide conseqents q’i sont, ‘la y’a taet eune vra surprinze pour le monde de par céz nousraport q’ela taet la permiere fai qe nen savaetcomben qe n-i avaet de préche-galo en Bertègn.

E d’o l’encerche-la je n-n’apernons hardi, pâs ! Su les enrets eyou qe le monde caozent galo parème :en-vû l’istouere, ét toute la Haote-Bertègn, de Cllisson diq’ao Goëlo. Meins dame ao jou d’anet, le galo a mine d’étr core viocheren qe su qheuqes periës d’jaone. Le mitan de la Bertègn, Loudia, le Menë, les vaos de Vilaine, le payiz de R’don e par Foujëre-Vitrë. A Pllermè, parème, 37 du cent des siens de la vile-lacontent q’i ouayent du galo ao meins eune fai le mouéz. Den les vaos de Vilaine ét 39 du cent. 28% par Foujëre. Âillou, meins, l’uzaije du gallo ét su la baissiere, e pus fôt core den le payiz de Naonte eyou qe le chiffr atrape ses 2 du cent de caoze-galo.

Sinadur karta gallaoueg

D’aotr qe faot s’avizer su le galoét comben qe n-i a de siens q’ont core le galo den les orassans pus ghére l’avair den la goule :neu du cent des Bertons. Faot avair souvenance du chiffr-laraport qe du monde de méme sont den le câs yeûs etout, d’erdoner le galo és jieunes.

Parlement inconue ?

Yan meins dame pus lein qe le nombr de siens a caozer galo, l’encerche-la prind core a la reboursée su un pouint. Le galo ét de la qeneûe su ses terres istoriqesmeins pouint ghére âillou ! 40 du cent des siens qi restent en Bertègn ne savent pouint qhi q’c’ét le galo sement, permier en Bâsse Bertègn ben sûr meins diq’a den le payiz de Naonte etout ! Ela montere ben comben qe le monde se deqeneûssent cant q’il ét contance du parlement-la.

Parlement reconue !

Terjou qe ça q’ét la permiere fai qe le galo a të reminz su eune carte de Bertègn. Pour c’qe n-i a de la sociolojie, ét eune crouéz a marqer su la cheminée etoutraport qe le galo ét ergardë admézëcome un vra parlement q’a ben son apart. Ela q’apouye de cai q’ét fet pour le galo par les paissouspar les pouairs de payiz ou ben core par la Rejion. E i n-n’a de fet ! Tenant pus veyabl châqe anée. Les paniaos en galo parème qi peupelent un p’tit partout, pâssë en Leire-de-Bertègn, diq’a-la terjou. Ao jou d’anet ét, de greûs, un mil de garçailles den eune trentaine d’ecolesi sont a sieudr des goûteries de galo. Vela core un chiffr ben simboliqe etout ! Les enterprinzes, i n-n’a eune bande a mettr le galo en adorçionsu lous afutiaos pour la recllâme. parai come la Rejion Bertègni perpoze admézë des terlateries trouélangaijieres de ses assembllées, o des consaillérs q’ont le dret de precher galo a lou lonlaizi.

Savadur Gallaoueg

L’encerche sociolinghistiqe de 2018 poussaet outant su le galocome su le berton. Pari q’ét du cai simboliqe. Astoure le galo ét ajeu o le berton, n-i a pus yun qi joue contr l’aotr. E ça q’ét pouint rale anetde vaer des jieunes a aprindr le bertone a aprindr le galo parai‘La n’empôze pouint qe n-i a terjou du cai a y’aprindre du cai q’a pouint të etudië o l’encerche-la.

heu galo qe le monde caozent ?Du galo teir ou ben du galo ben galozë ?Vaila pourqhi qi n’i a core afére d’aotrs encerches. E pés fara n-n’ergarder d’aotr etoutLe chiffr de 40 du cent des Bertonsi n’ont pouint jameins oui conter du galova-ti aler en decou den les anées a viendrou ben pouint ?De cai qe je savons ben terjoules chanjements sociolinghistiqes se prizent su le long du temp.

J’ons don qe d‘esperer la perchaine grande encerche sociolinghistiqe qi sera menée.

L’écrit-la vient de la vidéo :

Note post

Le 18ème Fest Deiz organisé par Andon à Molac aura lieu le dimanche 6 novembre 2022, toujours à la salle polyvalente de Molac, à partir de 14h30.En savoir plus